ဒီနတ်ကြီးနဲ့ မိတ်ဆက်ပေးမယ်။ ကျနော် ဘာသာရေးစာပေတွေ မဖတ်တာကြာတဲ့အတွက် နတ်ကြီးရဲ့နံမည်ကအစမှားယွင်းနိုင်ပါတယ်။ ဟာကွာ လို့စိတ်အပျက်မစောလိုက်ပါနဲ့။ နောက်ဆုံးသမိုင်းဆုံမှတ်မလွဲစေတဲ့ ကောက်ချက်ကိုတော့ မပျောက်ပျက်စေဘဲ မလွဲချော်စေဘဲ ဖတ်ရှုသူ တစုံတရာအကျိုးရှိစေမယ်လို့ ကျနော်အာမခံပါတယ်။
သာတာဂီရိနတ်ကြီးက အထက်တန်းစားနတ်ကြီးမဟုတ်ပါဘူး။ အတိတ်ဘဝက ကုသိုလ်ကောင်းမှုကြီးကျယ်ခဲ့ပေမယ့် အမှားသေးတယ်ထင်ရတဲ့ အမှားကြီးတစ်ခုတည်းကို ပြုလုပ်ခဲ့ရုံနဲ့ နတ်ဖြစ်ရှုံးရတဲ့ ရဟန်းကောင်းကြီးတွေပါ။ သူနဲ့အဖြစ်တူ ဘဝတူတဲ့သူငယ်ချင်းရဟန်းလည်း ယခုဘဝမှာ နတ်သူငယ်ချင်း နတ်မိတ်ဆွေကြီးဖြစ်နေပါပြီ။
အတိတ်ကာလက သူတို့ဟာ ရဟန်းဘဝမှစလို့ မထေရ်ဖြစ်တဲ့အထိ အမှားလုံးဝမကျူးလွန်ခဲ့ဖူးတဲ့ သူတပါးအမှားကိုပြုပြင်တည့်မတ်ပေးတဲ့ ဝိနည်းဓိုရ်မထေရ်များဖြစ်ခဲ့ပါတယ်။ ဝိပါက်ကြမ္မာမလွဲသာဆိုသလို သေခါနီးလာအသက်အရွယ်ကြီးမှပဲ ရည်ရွယ်ချက်ရှိရှိတပည့်ခံ ဝင်ရောက်လာတဲ့ရဟန်းငယ်တစ်ပါးက မထေရ်ကြီးများအမှားကိုဆုံးဖြတ်ပေးဖို့ သားငယ်ကခေါင်းခွေ့ပူဆာသလို တောင်းဆိုလာပါတယ်။ တပည့်ဝတ်ကြေတဲ့ရဟန်းကိုချစ်ပေမယ့် မုသာနဲ့ဘုရားကို မပစ်ပယ်နိုင်လို့ နှုတ်မှမမိန့်ဆိုနိုင်ဘူးလို့ တုန့်ပြန်ပါသေးတယ်။ ဒါပေမယ့် ယုတ်မာရာမှာ အတတ်ဆန်းလွန်းတဲ့တပည့်က မထေရ်ကြီးများဒီလိုတုန်ပြန်မယ်ဆိုတာ မျှော်လင့်ပြီးသားပါ။ ရေကူးညှာတင်လျောက်ထားပြီးနောက်မှာ အရှင်ဘုရား အမှုကိုမစစ်ရုံရှောင်ပေးပါ။ တပည့်တော်အမှားကိုသိပါပြီ။ ဒီအမှားကို သံသရာမှာရှင်းပါရစေ။ ယခုဘဝမှာ တပည့်တော်ရန်သူ(သူတော်ကောင်းရဟန်း)အောက်မှာ အရှက်တကွဲမဖြစ်အောင်လောက်တော့ ဆောင်ရွက်ကယ်မပါ။ နောင်တကလည်း ရပါပြီ။ သံသရာတစ်ရှက် အခုတစ်ရှက်တော့မဖြစ်ပါရစေနဲ့ လို့ ငိုငိုရယ်ရယ်နဲ့ သူတော်ကောင်းတွေရဲ့ နုနယ်တဲ့နှလုံးသားကို တုန်လှုပ်အောင်ပြောပါတယ်။ ကြီးမှတော်ရတဲ့တပည့်ပင်ဖြစ်သော်ငြားလည်း သိတတ်တဲ့ဆရာ့မေတ္တာဝင်နေတဲ့ မထေရ်များဟာ ရှုံးနေသူကိုဆက်ပြီးရက်စက်နိုင်စွမ်းမရှိတော့ပါဘူး။ အမှားကို သံသရာမှာရှင်းပေတော့ မင့်ကိုထောက်ထားတဲ့အနေနဲ့ အမှန်ကတနေ့ပေါ်မှာပဲ။ ယခုကိစ္စကိုဖြင့် ခေတ္တဆိုင်းငံ့ရှောင်ထားပြီးနေမယ်လို့ ကတိဝန်ခံပေးလိုက်ပါတယ်။
ဒီအထိဖတ်မိတော့ ကျနော်က မထေရ်ကြီးတွေလုပ်ရပ်ကို နှစ်သက်မိတယ်။ သြော်လူမိုက်ကြီးပြောတာလည်းအချိုးကျပါတယ်။သူလည်းတကယ်နော်တရရှာကိုးပေါ့။ မိတ်ဆွေလည်း ဒီလိုမထင်မိဘူးလား။ မထေရ်ကြီးတွေးသလို ရေနစ်သူဝါးကူမထိုးရက်ခဲ့ပါဘူး။ သံသရာမှာရှင်းကြပေဦးလို့ အမှားကိုနှုတ်ကမမိန့်ဆိုရတာပဲ ကံကောင်းတယ် သိတတ်တဲ့တပည့်ရယ်လို့ ဇာတ်လမ်းမဆုံးသေးတော့ တွေးထင်မိတာပေါ့။ဒါပေမယ့်ဗျာ အမှားကိုမပြောရုံမျှဖြင့် သံသရာတရားစီရင်မှုက မလှပလာပါဘူး။
သူတော်ကောင်းရဟန်းလာတော့ ကောင်းမွန်စွာဆက်ဆံပါတယ်။ တရားစီရင်ပါ ဆုံးဖြတ်ပါဆိုရင်တော့ သံသရာမှာသိကြရမှာပဲလို့ပြောဆိုရင်း အမှုကိုတော့ မဆုံးဖြတ်ပေးဘဲ ရှောင်နေကြပါတယ်။ အမှန်တရားကိုမြတ်နိုးသလောက်ရဲရင့်လွန်းတဲ့ သူတော်ကောင်းရဟန်းဟာ ခေါင်းလောင်းကိုထိုးပြီး သာသနာကွယ်ပလေပြီ။ ဝိနည်းဆောင်မထေရ်ရဟန်းတို့ရဲ့ ဆုံးဖြတ်မှုများကင်းမဲ့လေပြီ လို့အော်ဟစ်ရွတ်ဆိုရင်း မထေရ်နှစ်ပါးဆီက ထွက်ခွါခဲ့ပါတယ်။ ရဟန်းညစ်ကလည်း သူအကြံအောင်ပြီမို့ ပျော်ရွှင်စွာ ထွက်ခွါသွားခဲ့ပါပြီ။
ဝိနည်းဟာ သာသနာအသက်မို့ ဝိနည်းမဆုံးဖြတ်သူကို သာသနာကွယ်အောင်လုပ်သူဆိုတာလည်း အမှန်ပါပဲ။ ဒီတော့မှ မထေရ်များ သံဝေဂရလေပြီ။ အမှားမှာနှုတ်ထွက်မရှိခဲ့သော်လည်း အမှန်နှုတ်ထွက်မရဲခဲ့သူတွေမို့ ချောင်ပိတ်မိချေပြီ။ တရားကိုအသိလင်ပြီမို့ အမှားကိုပြင်လိုသော်လည်း ကတိပေးပြီးမို့ ကတိနှုတ်ရန် သူယုတ်ရဟန်းကရှောင် တောင်းပန်ရန်အတွက်လည်း သူတော်ကောင်းရဟန်းက ရှာဖွေဖို့မလွယ်။ အမှန်တရားကို နှုတ်ဖွင့်ချိန်မရသဖြင့် ရင်တွင်းမှာဗလောင်ဆူလို့ ဘုရားအကြိမ်ကြိမ်ရှိခိုးသော်လည်း သံသယဖြစ်ဖွယ် မိမိအပြစ်ဆိုးတစ်ခုငယ်အတွက် နိဗ္ဗာန်ကလည်းမနီးတော့ သောကတွေ အကြီးအကျယ်ဖိဆီးတာမို့ အမြတ်ကြီးမှအရှုံးကြီး ရှုံးကာ နတ်အသေးအမွား သူငယ်ချင်းနှစ်ယောက်ဖြစ်ကြရရှာပါတယ်။
တကယ်တော့ အမှန်တရားကို နှုတ်မရဲလိုက်တဲ့ အမှားသေးသေးကလေးပါ။ ရဟန်းလေးပါးသာ ကောင်းကောင်းသိလိုက်တဲ့ အတွင်းရေးမျှသာပါ။ အမှန်တရားလေးကလည်း သေးသေးလေးပါ။ ဒါပေမယ့် ဇာတ်လမ်းသိမ်းတော့ သူယုတ်အတွက် ထူးခြားကောင်းမသွားခဲ့ပါ။ သူတော်ကောင်းက အမှန်တရားရဲ့ အဖြေကို ဂုဏ်အပြည့်နဲ့နားမထောင်ရရှာပဲ သိမ်ငယ်ခဲ့ရပါတယ်။ မထေရ်ကြီးများလည်း အမြတ်နိဗ္ဗာန်ရှုံးလို့ သံသရာရှည်ခဲ့ရပါတယ်။ သာသနာကြီးလည်း တကယ်ကွယ်ခဲ့ပါတယ်။
ကဲ ဒီလောက်ဆို ဘာကိုဆိုလိုတယ်ဆိုတာ သိလောက်ပါရဲ့ဗျာ။ အမှားဟူသမျှ သေးငယ်သည်ဟုမထင်မှတ်ပါနှင့်။ သံသရာမှောင်သည်အထိ ကြီးကျယ်ပါသည်။ အမှန်ကို နှုတ်ထွက်မနှေးပါစေနှင့် သေးငယ်သောအရာမဟုတ်ပါ။ သာသနာကို ကွယ်စေသည်အထိကြီးကျယ်ပါသည်။
ကျနော်ကတော့ နိုင်ငံရေးလုပ်သော လူငယ်လူကြီးများကို လောဘမိုး ဒေါသခိုးမှောင်နေတဲ့ အချိန်သေးသေးလေးတစ်ခုမှာ ဘုရားဟောဇာတ်တော်တစ်ခုကို ပြောပြရင်း လျှပ်တစ်ချက်လင်းပေးလိုက်ပါတယ်။ အမှန်လမ်းကို မရှာဖွေဘဲ ထီးတည်းကြီးရပ်နေခဲ့ပါလျှင် -----
သံသရာမှာရှင်းကြရမှာ သေချာသော်လည်း နိုင်ငံပျက်မည့်အရေး သူတော်ကောင်းများမျက်နှာငယ်စေမည့်အရေးများကို တွေးဆကာ ------
နိုင်ငံရေးသာတာဂီရိနတ်ကြီးမဖြစ်စေလိုသူ (ဝါ) မဖြစ်လိုသူ
